Së paku 13 persona kanë vdekur në sulmin me makinë bombë që ndodhi sonte në Stamboll, raporton agjencia e lajmeve Reuters.
Televizioni turk NTV, raportoi se në shpërthimin e makinës bombë objektiv ishte një autobus me policë, transmeton KosovaPress.
Shpërthimi ka ndodhur dy orë pas përfundimit të ndeshjes se futbollit të zhvilluar në stadiumin e Beshiktashit, ku sulmi ndodhi pranë këtij stadiumi.
Pas shpërthimit, ministri i Brendshëm turk, tha se nuk ka informacione nëse ka të vdekur dhe se informacionet e para tregojnë për policë të plagosur.
AP ka njoftuar se pas shpërthimit, janë dëgjuar edhe të shtëna me armë, ku sipas këtij mediumi dëshmitarët kanë treguar për një sulm të armatosur mbi policinë./KosovaPress/
