Presidenti i Kosovës, Hashim Thaçi, shprehet i tronditur me tragjedinë që ka ndodhur sot në lagjen Kolovicë të Prishtinës, me ç’rast dy fëmijët e familjes Mramori humbën jetën.
Në një njoftim për media thuhet se me këtë rast, presidenti Thaçi shpreh ngushëllime për familjen Mramori.
“Sot bashkëndjej me familjen Mramori, me dhembjen dhe lutjet e tyre. Humbja e jetëve të fëmijëve të tyre, sikurse edhe humbja e vogëlushes Xheneta Gashi nga Prizreni, kanë tronditur çdo familje në Kosovë”, thekson ai.
Presidenti Thaçi fton institucionet që të hetojnë shkaqet që çuan në këto dy tragjedi dhe të marrin çdo masë që të parandalohen ngjarje të tilla të dhimbshme./KosovaPress/
