Le të shohim se çfarë ushqime mund të shkaktojë një migrenë.
1. Djathi i vjetër
Djathi përmban tiraminë, e cila krijohet pas prishjes së proteinave. Kur djathit është i vjetruar, ai përmban më shumë tiraminë. Faktorë të tjerë të tillë, si dallimet në fermentim ose përpunim mund të ndikojnë gjithashtu në përmbajtjen e tiraminës. Djathi zviceran, feta, mozzarella, parmesan, gorgonzola, djathi blu dhe cheddar kanë një proporcion të lartë të tiraminës.
2. Çokollata
Çokollata është shkaktar i migrenës në rreth 22% të njerëzve. Çokollata gjithashtu përmban tiraminë, e cila mund të jetë shkaku i migrenës.
Është interesante se ka edhe një arsye tjetër. Sipas disa ekspertëve, çokollata nuk mund të jetë shkaktar i migrenës. Në vend të kësaj, dëshira për gjëra si çokollata mund të jetë një shenjë e hershme e sulmeve të migrenës.
3. Alkooli
Alkooli është gjithashtu i lidhur me migrenë për shkak të sulfit të pranishëm në alkool. Pijet alkoolike me përmbajtje më të lartë të sulfit mund të rrisin shanset për të marrë migrenë. Alkooli mund të çojë në dehidrim, që mund të shkaktojë migrenë. Vera e zezë, uiski, birra dhe shampanja janë disa pije alkoolike që shkaktojnë migrenë.
4. Mishi i përpunuar
Nitratet dhe nitritet përdoren si ruajtës në shumë produkte të mishit. Këta konservues mund të zgjerojnë enët e gjakut, të cilat mund të shkaktojnë migrenën në disa njerëz. Proshuta, salsiçet zakonisht përmbajnë nitratet ose nitritet.
5. Monosodium glutamate
Besohet se monosodium glutamate (MSG) shkakton migrenë në 10-15% të njerëzve. Ai është i pranishëm në ushqime të tilla, si djathi, domate, ekstrakte soje dhe maja. Gjithashtu shtohet në ushqime të caktuara siç është salcë soje për të përmirësuar shijen.
6. Ushqimi i ftohtë
Disa njerëz marrin migrenë kur hanë diçka të ftohtë si akullorja. Megjithëse nuk është e qartë se pse ndodh kjo, arsyeja mund të jenë enët e gjakut në gojë ose në pjesën e pasme të fytit, të cilat ndrydhen dhe zgjerohen kur hamë ushqim të ftohtë. Receptorët e dhimbjes më pas dërgojnë një mesazh në tru, i cili perceptohet gabimisht se ndjesitë e pakëndshme vijnë nga koka dhe jo nga goja, transmeton KosovaPress.
7. Disa fruta dhe perime
Avokado, agrumet, qepët, bananet dhe fasulja te disa njerëz nxisin migrenë. Një nga arsyet e mundshme është se ato përmbajnë tiraminë.
8. Aspartami
Aspartami është një ëmbëlsirë artificiale që i shtohet ushqimit të përpunuar. Studimet kanë zbuluar se te disa njerëz mund të shkaktojë migrenë. Një studim që hulumtoi rreth 170 pacientë zbuloi se aspartami ishte një shkaktar i migrenës në 8.2% të të anketuarve.
9. Ushqimi i fermentuar
Fermentimi rrit proporcionin e tiraminës në ushqim. Disa ushqime të fermentuara si salcë dhe soja shkaktojnë migrenë.
10. Kafeina
Kafeina gjendet në kafe, çokollatë dhe çaj. Kafeina nuk mund të jetë një shkaktar i drejtpërdrejtë për migrenë nëse nuk e ekzagjeroni marrjen e saj. Ju duhet të konsumoni rreth 200mg kafeinë çdo ditë pa ndonjë problem. Por nëse shpesh vuani nga migrena, është më mirë të shmangni marrjen e përditshme të kafeinës.
