Policia e Shtetit në Shqipëri ka reaguar ndaj akuzave të përditshme të Partisë Demokratike. Policia thotë se është nga institucionet më të sulmuara nga opozita.
“Pothuaj çdo ditë PD ka akuzuar çdo drejtues policie për lidhje me krimin. Por rezultatet në luftën kundër paligjshmërisë dhe veçanërisht rezultatet në luftën kundër kultivimit të drogës, janë përgënjeshtrimi më i fortë për këto akuza.
Policia e Shtetit fton edhe njëherë PD-në që për çdo informacion të pretenduar dhe për këdo zyrtar që sipas saj është i implikuar, t’i drejtohet Prokurorisë.
“PD-ja duhet të vendosë nëse do të rreshtohet në krah të Policisë për të luftuar krimin, apo do të qëndrojë në anën tjetër të llogores duke luftuar Policinë.Ata që sot luftojnë Policinë, i bëjnë shërbimin më të mirë krimit”, shkruan Policia e Shtetit.
