Shefja e Zyrës së Bashkimit Evropian në Kosovë, Nataliya Apostolova i ka dorëzuar sot , raportin e progresit për Kosovës, kryetarit të Kuvendit të Kosovës, Kadri Veselit.
Kryeparlamentari me këtë rast ka ritheksuar se Kosova si perspektivë të vetme ka rrugëtimin në Bashkimin Evropian.
“Vendi ynë ka vetëm një perspektivë dhe vetëm një rrugëtim ai është Bashkimi Evropian . Progresin të cilin e kemi bërë është i vlerësuar , gjithashtu edhe kritikat aty ku kemi ngecur po ashtu janë thënë në këtë raport. Po ashtu do të punojmë bashkërisht , rrugëtimi jonë është i qartë dhe i pa lëkundshëm drejt Bashkimit Evropian , rrugëtim perëndimore . Ajo çka shpresojmë që përmes këtij raporti që shumë shpejt , qytetarët tanë që më së shumti e meritojnë do të kemi nga vendet partnere të BE-së të drejtën që qytetarët tanë të lëvizin lirshëm pra liberalizimi i vizave. Përndryshe çdo e gjetur , çdo faktorë i cili është i thënë këtu ne e pranojmë plotësisht . Edhe progresin edhe kritikat. Për arsye se janë shumë reale”, tha Veseli.
Sot është publikuar raporti i Progresit për Kosovën me ç’rast Apostolova ka mbajtur një konferëencë për media ndërsa paraprakisht atë ia ka dorëzuar edhe kryeministrit Isa Mustafa./KosovaPress/
