Një rrahje mes disa personave ka ndodhur në fshatin Lismir të Fushë Kosovës, me ç’rast policia ka arrestuar pesë të dyshuar të përfshirë në këtë rast.
Të gjithë të dyshuarit e përfshirë në rrahje thuhet se janë shqiptar dhe kanë pësuar lëndime të lehta si pasojë e grushtimeve, për të cilat kanë marrë edhe trajtimin e duhur mjekësor.
“Rreth orës 18:30 ka ndodhur një rrahje në mes të disa personave, Policia ka arrestuar pesë (5) të dyshuar meshkuj K/Shqiptarë, katër prej tyre me urdhër të prokurorit janë dërguar në mbajtje prej 48 orësh”, njofton policia.
Bëhet e ditur se personi i pestë është liruar, pasi ai vullnetarisht ka dorëzuar një armë CZ 7.65 mm me gjashtë (6) fishekë e cila është përdorur për kanosje në rastin e rrahjes./FaktePlus
